知言你說。

知言,

看見我哭, 你說, 「媽媽咩事呀?」爸爸說媽媽不開心了, 你皺一皺眉,「媽媽唔好喊啦!」我哭不停, 你便用稚嫩的嚴厲聲音說:「一滴眼淚都唔准流!」

哭過了正在發呆, 在一旁玩耍的你突然跑過來輕拍我的肚子, 「媽媽, 搞錯咗啫! 唔緊要~」

夢中轉醒, 你跑進睡房大叫「媽媽! 起身喇!」然後爬上床躺我身邊跟我閒話家常, 把上學的情景一一說給我聽, 老師播了飛機升降的聲音, 一位同學仔猜對了, 你興奮說起上次到星加坡坐飛機的經過, 老師卻說小朋友不可以在老師說話的時候插嘴, 然後, 玩撕紙, 排隊去洗手間, 吃茶點, 看卡通, 等婆婆接放學。你有條不紋慢慢一一細說, 媽媽聽得津津有味。

突然你記起在客廳的婆婆要出去查看, 跑到房門你轉過頭來問我, 「你會唔會喊架?」又說, 「唔緊要, 我好快番嚟喇~」

有時候, 你會忘記了, 在電話裏跟我說, 「我好掛住細魚仔呀!」知言, 媽媽也是一樣掛念魚仔呢。

下一刻, 你又會看著我的肚子, 「哈, 你係咪搞錯咗無魚仔架?」我眼紅紅, 你又會抱著我輕拍我的背, 「唔緊要~」

然後好久, 你都沒有再提起魚仔。

知言, 媽媽知道, 你在擔心我。

知言, 三歳的你理解能力之高出乎媽媽意料, 你的安慰也的確撫平了媽媽起伏的心情。

謝謝你, 小知言, 還好媽媽仍然有你。

媽媽
090921